یوٹیوب پر پیسے کمانا ہوا اور آسان

 

یوٹیوب پر اب پیسہ کمانا ہوا اور بھی آسان 

یوٹیوب اپنے پارٹنر پروگرام کے تحت مونیٹائزیشن ٹولز تک رسائی حاصل کرنے کے لیے تخلیق کاروں کی مشکلات کو مزید کم کررہا ہے۔

کمپنی نے کہا کہ پارٹنر پروگرام کے لیے اہل ہونے کی نئی شرائط میں کم از کم پانچ سو سبسکرائبرز کا ہونا لازمی ہے جبکہ پچھلے90 دنوں میں کم از کم 3 پبلک اپ لوڈز ہونی چاہیئیں، پچھلے ایک سال میں 3ہزار گھنٹے کے واچ آورز ہونے چاہئیں یا پچھلے90 دنوں میں 3 ملین شارٹس ویوز کا ہونا بھی لازمی ہے۔

گوگل کی ذیلی کمپنی کا کہنا ہے کہ اگر تخلیق کار(کری ایٹرز) ان نئی شرائط کو پورا کرتے ہیں، تو وہ یوٹیوب پارٹنر پروگرام (وائے پی پی) کا حصہ بننے کے لیے درخواست دے سکتے ہیں اور سپر تھینکس، سپر چیٹ اور سپر اسٹیکرز جیسے چینلز تک رسائی حاصل کرسکتے ہیں جہاں انہیں مزید سبسکرپشن ٹولز حاصل ہوسکتے ہیں جیسے چینل ممبر شپس اور اپنے کانٹینٹ کو پروموٹ کرنے کے ساتھ ساتھ یوٹیوب شاپنگ کی سہولت سے بھی فائدہ اٹھاسکتے ہیں.

Click Here For More Details